Արցախի Հանրապետութեան Ընդհանուր իրաւասութեան առաջին ատեանի դատարանը դռնփակ դատական նիստ ընթացքին քննութեան առնելով քրէական գործը ըստ մեղադրանքի Արզիկ Յարութիւնեանի՝ նախատեսուած ԱՀ քրէական օրէնսգիրքի 310-րդ յօդուածի 1-ին մասով (Պետական դաւաճանութիւնը), 2023 թուականի Յուլիս 11-ի դատավճիռով Ա. Յարութիւնեանը մեղաւոր ճանչցած է պետական դաւաճանութիւն կատարելու մէջ։
Այս մասին տեղեկացուցած են Արցախի Դատախազութենէն` ի լրումն դատախազութեան կայքին մէջ 2022 թուականի Հոկտեմբեր 31-ին տեղադրուած՝ «Պետական դաւաճանութեան ենթադրեալ դէպքի առթիւ յարուցուած քրէական գործը մեղադրական եզրակացութեամբ ուղարկուած է դատարան» վերտառութեամբ հաղորդագրութեան։
Կառոյցին տեղեկատուութեամբ` անոր նկատմամբ նշանակուած է պատիժ՝ բանտարկութիւն 10 տարի ժամկէտով:
