Թուրքիոյ նախագահ Ռեճեպ Թայիպ Էրտողան յայտնած է, թէ 2025 թուականին ռուս խաղաղապահները պէտք է հեռանան «Ատրպէյճանի Ղարաբաղի շրջանէն»:
Անոր խօսքով, Ատրպէյճանի, Հայաստանի եւ Ռուսաստանի 2020 թուականի Նոյեմբեր 9-ի եռակողմ համաձայնագրով ռուսական խաղաղապահ զօրախումբը պէտք է Ղարաբաղի մէջ տեղակայուած ըլլայ 5 տարի։
«2025-ին Ռուսաստանը պէտք է հեռանայ այդ տարածքէն: Այդ գրուած է համաձայնագրին մէջ, եւ ես կը հաւատամ, որ Ռուսաստանը պիտի կատարէ անոր պահանջը», յայտնած է Թուրքիոյ ղեկավարը:
Այդ մեկնաբանութիւններով Էրտողան հանդէս եկած է Վիլնիւսի մէջ ՆԱԹՕ-ի գագաթաժողովի աւարտէն յետոյ տեղի ունեցած ասուլիսոի ընթացքին:
