Ազգային Ժողովի Պաշտպանութեան եւ անվտանգութեան հարցերու եւ ֆինանսավարկային եւ պիւտճէական հարցերու մշտական յանձնաժողովներու համատեղ նիստին մեկնարկած են «ՀՀ 2025 թուականի պետական պիւտճէի կատարման մասին» տարեկան հաշուետուութեան նախնական քննարկումները:
ՀՀ ներքին գործերու նախարարի տեղակալ Արմէն Մկրտչեան ամփոփ ներկայացուցած է Ղարաբաղէն տեղահանուած անձերու կողմէ ՀՀ քաղաքացիութիւն ստանալու համար ներկայացուած դիմումներու մասով տուեալները:
«Ընդհանուր թուով ՀՀ քաղաքացիութիւն է ձեռք բերել Ղարաբաղից տեղահանուած 39 հազար 650 անձ, որից 27 հազար 296 անձի ՀՀ նախագահի հրամանագրով շնորհուել է ՀՀ քաղաքացիութիւն: Մերժման դէպքեր չեն եղել»,- յայտնած է ան:
Մկրտչեանի խօսքով՝ քաղաքացիութեան գործերու ելեկտրոնային կառավարման համակարգի նոր թուային համակարգի գործարկման պահէն այս տարուայ Յունուար 1-էն կը նկատուի Ղարաբաղէն տեղահանուած անձերու կողմէ ՀՀ քաղաքացիութիւն ստանալու դիմելիութեան աճ․ մասնաւորապէս այս տարուայ Յունիս ամսուայ սկիզբի դրութեամբ թիւը կազմած է 11 հազար 146:
«Ղարաբաղից տեղահանուած անչափահաս անձանց թիւը կազմել է 28 հազար, որից շուրջ 12 հազար անչափահասի տրուել է ՀՀ քաղաքացիութիւն»,- տեղեկացուցած է փոխնախարարը:
