«Ատրպէյճանցի փախստականներու վերադարձ»ի մասին բամբասանքները Իւանեան կամ Արցախի իշխանութիւններու վերահսկողութեան տակ գտնուող այլ համայնքներ իրականութեան հետ որեւէ աղերս չունին:
Այս մասին Ստեփանակերտի Վերածնունդի հրապարակին մէջ յայտարարած է Արցախի Հանրապետութեան պետական նախարար Արտակ Բեկլարեանը` հանրահաւաքի մասնակիցներու հարցումներուն ի պատասխան:
Պետական նախարարին խօսքով` Արցախի իշխանութիւններու օրակարգին մէջ ոչ միայն նման հարց չկայ, այլեւ առաջնահերթ կը մնան 2020-ի պատերազմին հետեւանքով հազարաւոր տեղահանուած քաղաքացիներուն բնակարաններով ապահովելու եւ անոնց ընկերատնտեսական խնդիրները լուծելու հարցերը:
«Անընդունելի ենք համարում այս դժուարին ժամանակահատուածում հանրութեան շրջանում նմանօրինակ պառակտիչ ու սադրիչ բամբասանքների տարածումը: Առանց այն էլ ունենք բազմաթիւ չլուծուած խնդիրներ, անվտանգային հարցեր, որոնց անցնցում լուծելու ողջ բեռն ու պատասխանատուութիւնն առաջին հերթին կրում են իշխանութիւնները: Բայց առկայ մարտահրաւէրները յաջողութեամբ յաղթահարելու համար պէտք է բոլորս միասին կեդրոնացնենք մեր ուժերը, ընդունենք, որ միայն մէկս-միւսի աջակցութեամբ կարող ենք ապահովել մեր ազգային ու պետական շահերը», ըսած է Ա. Բեկլարեանը:
