Կարմիր Խաչի Միջազգային Կոմիտէն կը յայտնէ, որ Արցախի մէջ որոնողական աշխատանքներու շնորհիւ նոր անձեր կը գտնեն:
«Փոքր թիւով մարդիկ կը մնան իրենց տուներուն մէջ կա՛մ իրենց ընտրութեամբ, կա՛մ այն պատճառով, որ չեն կրցած հեռանալ: Ոմանց անհրաժեշտ է բժշկական օգնութիւն, սնունդ եւ ջուր: Միւսները օգնութիւն կը խնդրեն հարազատներու հետ կապ հաստատելու կամ ալ հեռանալու համար փոխադրամիջոց ստանալու նպատակով: Տուները, խանութներն ու գրասենեակները լքուած են, իսկ փողոցներուն մէջ կարելի է տեսնել բազմաթիւ շուներ եւ կատուներ», յայտնած են ԿԽՄԿ-էն: