ԵԱՀԿ գործող նախագահ, Հիւսիսային Մակեդոնիոյ արտաքին գործերու նախարար Պույար Օսմանին իր անձնական ներկայացուցիչ Անճէյ Քասփրշիքը կ’ուղարկէ Լաչինի միջանցք, որ կը կապէ Հայաստանի Հանրապետութիւնը Լեռնային Ղարաբաղի հետ։ Այս մասին դիւանագէտը յայտնած է X-ի իր օգտահաշուով։
Օսմանիի խօսքով՝ ինք այս որոշումը կայացուցած է Հայաստանի եւ Ատրպէյճանի արտաքին գործերու նախարարներուն հետ անցեալ շաբաթ տեղի ունեցած հեռախօսազրոյցներէն յետոյ։
«Ես կը կրկնեմ իմ կոչս՝ տրամադրել ազատ տեղաշարժ Լաչինի միջանցքով: Միւս երթուղիները պէտք է բացուին զուգահեռաբար: Մարդասիրական երեւոյթները միշտ պէտք է գերակայեն: Քաղաքական հարցերով երկխօսութիւնը պէտք է շարունակուի, եւ ԵԱՀԿ-ը պատրաստ է նպաստելու անոր», ընդգծած է ԵԱՀԿ գործող նախագահը:
Յիշեցնենք, որ Օգոստոս 10-ին ԵԱՀԿ գործող նախագահը հեռախօսազրոյց ունեցած է Հայաստանի եւ Ատրպէյճանի արտաքին գործերու նախարարներուն հետ՝ անոնց հետ քննարկելով Լաչինի միջանցքին հարցը։