Վարչապետ Նիկոլ Փաշինեան Երեւանի «Սասունցի Դաւիթ» կայարանէն երկաթուղիով շրջայց կատարած է՝ դիտարկելու Ակադեմական քաղաքի հատուած տանող երկաթուղային ենթակառուցուածքները եւ զանոնք զարգացնելու հնարաւորութիւնները:
Վարչապետին ուղեկցած են կառավարութեան շահագրգիռ գերատեսչութիւններու ղեկավարները, Երեւանի քաղաքապետը, Ակադեմական քաղաքի գլխաւոր յատակագիծը նախագծող gmp International GmbH Architects and Engineers ընկերութեան ներկայացուցիչներն ու ճարտարապետական խումբի անդամները:
Վարչապետը կանգառներ ունեցած է «Սպանդարեան» եւ «Ալմաստ» կայարաններուն մէջ, ուր շրջայցի մասնակիցներուն հետ քննարկված են ապագայ ճանապարհային ցանցի հիմնման հնարաւորութիւնները: Կարեւորուած է տարբեր ուղղութիւններէն Ակադեմական տանող ճանապարհային ցանցի զարգացումն ու այդ ուղղութեամբ համապատասխան աշխատանքներուն իրականացումը: