«Հոգեւոր ծառայութիւնը քաղաքական ընդդիմութեան դրօշով փոխարինած եկեղեցին պէտք է կուսակցութիւն հիմնի։ Այդպիսին են ժանրի կանոնները։ Այն կարող են անուանակոչել, օրինակ` ՀԿԿ (Հայաստանի Կաթողիկոսի կուսակցութիւն)»։
Այս մասին Ֆէյսպուքի իր էջով գրած է ԱԺ «Քաղաքացիական Պայմանագիր» խմբակցութեան պատգամաւոր Արէն Մկրտչեանը՝ շարունակելով.
«Այսպիսով` ՀԿԿ Տաւուշի շտաբի պետ Բագրատ Գալստեանի եւ միւսների գործունէութիւնն աւելի տրամաբանական կը դառնայ։ Իսկ, առհասարակ, ո՞րն է այս մարդկանց, կամ նրանցից շատերի խնդիրը 2018-ից յետոյ։ Կիպրոսի արտասահմանեան հաշիւները, Պենթլիները, իշխանական քէֆերին ստացած շաբաշները, որոնք բոլորիդ աչքի առաջ էին, այլեւս քաղցր յիշողութիւն են սրանց համար։
«Կա՞ր ոեւէ հոգեւորական, որ 1999-ի Հոկտեմբերի 27-ին, երբ ուղիղ եթերում Հայաստանը գլխատուեց, ծպտուն հանեց, կա՞ր ոեւէ հոգեւորական, որ 2008-ին Մարտի 1-ին, երբ 10 ցուցարարի դիակ կար Երեւանի կեդրոնում, ծպտուն հանեց։ 2015-ին ոեւէ հոգեւորական կա՞ր, երբ ցուցարարների կոճերը փշրած տանում էին ոստիկանական բաժանմունքներ, ծպտուն հանեց։ Ուժեղ տղերք են դարձել, դասեր են տալիս փոխոստիկանապետերին։
«Սրանք հասկանո՞ւմ են, որ «Հայաստանի սահմանն այնտեղ է, որտեղ կանգնած է հայ զինուորը» յայտարարութիւնը ռումբ է Հայաստանի տակ դրուած։ Ի՞նչ են ուզում, նոյնաբովանդակ հայելային յայտարարութիւ՞ն լսեն այլ երկրի կողմից։ Էս ո՞ւմ երեխեքի արեան հաշուին են յոխորտում։ Կիրանցում Բագրատին հարցնել է պէտք` ուր է հայկական Ոսկեպարի գլխին ծածանուող ատրպէյճանական դրօշը։ Նաեւ հարցնել է պէտք` ինքը ստախօս է, թէ ոչ։ Բարեբախտաբար պարկեշտներ էլ կան, անձնապէս ճանաչում եմ։
Ռուպլու արժէքը տատանուելու յատկութիւն ունի, Պիթքոյնով ստացէք»,- գրած է Մկրտչեանը։
