Մոսկուան լսած է Հայաստանի վարչապետ Նիկոլ Փաշինեանի յայտարարութիւնները ՀԱՊԿ-էն Հայաստանի հնարաւոր դուրս գալու մասին, շատ աշխատանք կը սպասուի, իրավիճակը պարզելու համար անհրաժեշտ են շփումներ: Այս մասին յայտարարած է Ռուսիոյ նախագահի մամուլի քարտուղար Տմիթրի Փեսքով։
«Անկասկած, մենք լսած ենք այդ յայտարարութիւնները: Ակնյայտ է, որ հիմա, բնականաբար, կը սպասուի շատ աշխատանք: Մեզի մեր հայ գործընկերներուն հետ անհրաժեշտ են շփումներ ե՛ւ ՀԱՊԿ-ի շրջանակներուն մէջ, ե՛ւ երկկողմ մակարդակով: Պիտի պարզաբանենք եւ պիտի խօսինք՝ համահունչ այն յայտարարութիւններուն, որոնք ըրած է պարոն վարչապետը», ըսած է Փեսքով։
Յիշեցնենք, որ Մարտ 12-ին մամուլի ասուլիսի ընթացքին ՀՀ վարչապետ Նիկոլ Փաշինեան չբացառեց, որ Երեւանը դուրս գայ ՀԱՊԿ-էն, եթէ կազմակերպութիւնը «չպատասխանէ Հայաստանի մէջ պատասխանատուութեան գօտիին մասին հարցին»։
