Արցախի մէջ տեղակայուած Ռուսաստանի խաղաղապահ զօրակազմը կը շարունակէ իրականացնել իր առաքելութիւնը` համաձայն 2020 թուականի Նոյեմբեր 9-ի եռակողմ յայտարարութեան դրոյթներուն, կը յայտարարէ Արցախի Անվտանգութեան Խորհուրդը` հերքելով ատրպէյճանական տեղեկատուական հարթակներուն մէջ տարածուող տեղեկութիւնները, թէ Ռուսաստանի խաղաղապահ զօրակազմը իր ուժերուն մէկ մասը Արցախէն դուրս կը բերէ՝ Ուքրանիա տեղափոխելու նպատակով:
«Յորդորում ենք բնակչութեանը` զերծ մնալ խուճապային տրամադրութիւններից: Իրավիճակը լիարժէք վերահսկւում է Արցախի Հանրապետութեան իշխանութիւնների եւ Ռուսաստանի Դաշնութեան խաղաղապահ զօրակազմի կողմից», ըսուած է Արցախի Անվտանգութեան Խորհուրդի յայտարարութեան մէջ: