Home ԳԼԽԱՒՈՐ ԼՈՒՐԵՐ Հայաստանի Նախագահը՝ Փոխվարչապետ, Նախարարներ, իր Աշխատակազմի Ղեկավարի Առաջին Տեղակալ Նշանակած է

Հայաստանի Նախագահը՝ Փոխվարչապետ, Նախարարներ, իր Աշխատակազմի Ղեկավարի Առաջին Տեղակալ Նշանակած է

by MassisPost

Հայաստանի նախագահ՝ Սերժ Սարգսեան, այսօր, հրամանագրեր ստորագրած է փոխվարչապետ, նախարարներ, նախագահի աշխատակազմի ղեկավարի առաջին տեղակալ նշանակելու մասին:

Նախագահի պաշտօնական կայքէջին վրայ հրապարակուած հրամանագրի համաձայն՝ Վաչէ Գաբրիէլեան նշանակուած է Հայաստանի փոխվարչապետ, միջազգային տնտեսական ամբողջացման եւ բարեփոխումներու նախարար: Ան, նոյն պաշտօնները կը զբաղեցնէր նաեւ՝ նախորդ կառավարութեան կազմին մէջ:

Ուրիշ հրամանագրով Դաւիթ Յարութիւնեան նշանակուած է կառավարութեան աշխատակազմի ղեկավար-նախարար: Ան եւս այդ պաշտօնը կը զբաղեցնէր նախորդ կառավարութեան կազմին մէջ:

Նախագահի այլ հրամանագրերով՝ Աշոտ Մանուկեան նշանակուած է ուժաբանութեան եւ բնական պաշարներու, Իգնատի Առաքելեան՝ գիւղատնտեսութեան, Վահան Մարտիրոսեանը՝ երթեւեկի եւ կապի, Վարդան Արամեան՝ ֆինանսներու նախարար: Այս անձինք նախորդ կառավարութեան կազմին մէջ չկային:

Սերժ Սարգսեանի հրամանագրերով՝ Վարդան Արամեան ազատուած է Հայաստանի նախագահի աշխատակազմի ղեկավարի առաջին տեղակալի պաշտօնէն, ուր նշանակուած է Ալեքսան Յարութիւնեան, որ իր հերթին, ազատուած է Արժանթինի, Ուրուգուէյի, Բերուի եւ Չիլիի Հայաստանի արտակարգ եւ լիազօր դեսպանի պաշտօնէն:

Հարակից Նյութեր

Leave a Comment