Յուլիս 28-ին, ՈՒԵՖԱ-ի Չեմպիոններու Լիկայի 2026-2027 մրցաշրջանի որակաւորման երկրորդ փուլի պատասխան հանդիպումին, Հայաստանի գործող ախոյեան «Արարատ-Արմենիա»-ն «Թալահթ» մարզադաշտին մէջ հիւրընկալուեցաւ իրլանտական «Շեմրոք Ռովըրզ»-ի կողմէ։
Խումբերուն միջեւ առաջին հանդիպումը աւարտած էր երեւանեան խումբին՝ 2-0 հաշուով յաղթանակով։ Հայկական խումբը, հակառակ Դուբլինի մէջ 1-2 հաշուով կրած պարտութեան, երկու հանդիպումներու ընդհանուր արդիւնքով 3-2 յաղթանակ արձանագրեց եւ անցաւ Չեմպիոններու Լիկայի որակաւորման երրորդ փուլ։
Յաջորդ փուլին «Արարատ-Արմենիա»-ի մրցակիցը պիտի ըլլայ Սլովենիան ներկայացնող «Ցելյէ»-ն։ Հանդիպումները տեղի պիտի ունենան Օգոստոս 4-ին եւ 11-ին։ Առաջին հանդիպումը պիտի կայանայ Հայաստանի մէջ։
Յուլիս 30-ին, ՈՒԵՖԱ-ի Քոնֆերանս Լիկայի 2026-2027 մրցաշրջանի որակաւորման երկրորդ փուլի պատասխան հանդիպումին, Հայաստանի գործող բաժակակիր եւ գերբաժակակիր «Նոա»-ն Աբովեանի Վահագն Թումասեանի անուան մարզադաշտին մէջ ընդունեց մոլտովական «Զիմպրու»-ն։
Խումբերուն միջեւ առաջին հանդիպումը աւարտած էր 1-1 հաւասարութեամբ։ Աբովեանի մէջ կայացած պատասխան հանդիպումը աւարտեցաւ «Նոա»-ի՝ 2-1 հաշուով յաղթանակով։
Այսպիսով, «Նոա»-ն անցաւ Քոնֆերանս Լիկայի որակաւորման երրորդ փուլ, ուր երեւանեան խումբին մրցակիցը պիտի ըլլայ զուիցերիական «Սիոն»-ը։
Հանդիպումները տեղի պիտի ունենան Օգոստոս 6-ին եւ 13-ին։ Առաջին հանդիպումը պիտի կայանայ Հայաստանի մէջ։
Հայաստանի միւս երկու ներկայացուցիչները՝ «Փիւնիկ»-ը եւ «Ալաշկերտ»-ը, Քոնֆերանս Լիկայի որակաւորման երկրորդ փուլին աւարտեցին այս մրցաշրջանի իրենց եւրոպական ելոյթները՝ համապատասխանաբար զիջելով հունգարական «Տեպրեցեն»-ին եւ ռումանական «Քլուժ»-ին։
