ՀՀ վարչապետ Նիկոլ Փաշինեան յայտնած է, որ կը նախընտրէ ցոյց տալ, քան պատմել, թէ Ֆրանսայի նախագահը ինչ ըրած է Հայաստանի համար:
Այս մասին ան նշած է կառավարութեան նիստէն յետոյ լրագրողներու հետ ճեպազրոյցին ընթացքին «ի՞նչ ըրած է Մաքրոնը Հայաստանի համար» հնչած հարցումին ի պատասխան:
«Մայիսի 28-ին կը տեսնենք, թէ ինչ է արել։ Ինչի՞ պատմեմ, ցոյց կը տանք»,- ըսած է վարչապետը:
Յիշեցնենք՝ Մարտ 26-ին ՀՀ վարչապետ Նիկոլ Փաշինեան յայտնած է, որ Մայիս 28-ին Հանրապետութեան հրապարակին վրայ տեղի պիտի ունենայ զօրահանդէս, որ աւելի շատ հաշուետուութիւն պիտի ըլլայ ՀՀ քաղաքացիներուն։
«Պելառուսի նախագահը Ատրպէյճան կատարած այցի ընթացքում յայտարարել է, որ ինքը մասնակցել է 44-օրեայ պատերազմի նախապատրաստութիւններին, «Բարգաւաճ Հայաստան» կուսակցութեան նախագահը մինչեւ հիմա այդ թեմայով դիրքորոշում չի արտայայտել, թող արտայայտի», ըսաւ վարչապետ Նիկոլ Փաշինեան։
«Պելառուսի նախագահը յայտարարել է, որ հայերը, բացի ԵԱՏՄ-ից, ոչ մէկի պէտք չեն, ԲՀԿ նախագահը թող արտայայտուի այդ առիթով»,- ըսած է ան։
Ինչ կը վերաբերի Ուքրանիոյ նախագահի Հայաստան այցին, Փաշինեան ըսած է, որ Ուքրանիոյ հարցով Հայաստանը Ռուսաստանին դաշնակից չէ։
