Եւրոպական Խորհրդարանը հրապարակած է Յուլիս 13-ին ընդունուած բանաձեւը թափանցիկութեան, հաշուետուողականութեան եւ հակափտածութեան կանոններու բարեփոխման առաջարկութիւններուն վերաբերեալ, ուր անդրադարձ կայ նաեւ Ատրպէյճանին։
Բանաձեւի կէտերուն մէջ, ի թիւս այլ երկիրներու եւ կազմակերպութիւններու կողմէ իրականացուած խախտումներուն, կը նշուի նաեւ, որ Ատրպէյճանը լայնածաւալ ազդեցութեան եւ փտածութեան հիմնաւոր կասկածներ յարուցող գործողութիւններ իրականացուցած է ԵԽԽՎ պատգամաւորներու նկատմամբ:
Կը նշուի նաեւ, որ Ատրպէյճանը կրցած է կանխել իր ընտրութիւններուն հետ կապուած հետաքննութիւնը, ինչպէս նաեւ կոծկել իր կողմէ մարդու իրաւունքներու ոտնահարումները: