ԱՄՆ մայրաքաղաքի Արլինկթըն արուարձանին մէջ տեղի ունեցած բանակցութիւններուն ընթացքին Հայաստանի եւ Ատրպէյճանի արտաքին գործերու նախարարները երկկողմ համաձայնագրի նախագիծի «որոշ յօդուածներու շուրջ ունեցած են փոխըմբռնման յառաջընթաց` միեւնոյն ժամանակ արձանագրելով, որ շարք մը առանցքային հարցերու շուրջ դիրքորոշումները կը մնան տարամէտ»: Այս մասին ըսուած է բանակցութիւններու արդիւնքներով կողմերու տարածած միասնական հաղորդագրութեան մէջ:
«Հայաստանի արտաքին գործերի նախարար Արարատ Միրզոյեանը եւ Ատրպէյճանի արտաքին գործերի նախարար Ճէյհուն Պայրամովը Մայիսի 1-4-ն Արլինկթընում (ԱՄՆ Վիրճինիա նահանգ) անցկացրել են բանակցութիւններ: Նախարարները հիւրընկալուել են Ճորճ Շուլցի արտաքին գործերի ազգային ուսումնական կեդրոնում: Ուաշինկթընում նախարարները հանդիպել են ԱՄՆ պետական քարտուղար Էնթընի Պլինքընի եւ նախագահի օգնական եւ ազգային անվտանգութեան հարցերով խորհրդական Ճէյք Սալիւանի հետ: Նախարարները ներկայացրել են իրենց տեսակէտներն առկայ իրավիճակի շուրջ եւ իրենց դիրքորոշումներն են յայտնել յարաբերութիւնների կարգաւորմանն առնչուող գոյութիւն ունեցող խնդիրների վերաբերեալ», ըսուած է հաղորդագրութեան մէջ, որ տարածած է Հայաստանի Արտաքին Գործերու Նախարարութեան լրատուականը:
«Նախարարները եւ նրանց թիմերն «խաղաղութեան եւ միջպետական յարաբերութիւնների հաստատման մասին» երկկողմ համաձայնագրի նախագծի որոշ յօդուածների շուրջ ունեցել են փոխըմբռնման յառաջընթաց` միեւնոյն ժամանակ արձանագրելով, որ մի շարք առանցքային հարցերի շուրջ դիրքորոշումները մնում են տարամէտ», նշուած է հաղորդագրութեան մէջ:
Երկու նախարարները իրենց գնահատանքը յայտնած են ամերիկեան կողմին Հայաստանի եւ Ատրպէյճանի միջեւ բանակցութիւնները հիւրընկալելու համար: «Կողմերը պայմանաւորուած են շարունակել քննարկումները», կը փոխանցէ հաղորդագրութիւնը: