«Լաչինի միջանցքում սահմանակէտեր դնելու վերաբերեալ ատրպէյճանական կողմից հրապարակային պահանջներ կամ առաջարկներ, դժուար է տարբերակում անել, հնչել են, Երեւանը չի պատրաստւում ներգրաւուել այդ առաջարկների քննարկման մէջ», Ֆրանսայի արտաքին գործերու նախարար Քաթրին Քոլոննայի հետ համատեղ ասուլիսի ժամանակ, «Ազատութեան» հարցին ի պատասխան, ըսաւ Հայաստանի արտաքին գործերու նախարար Արարատ Միրզոյեանը:
Նախօրէին Պաքուի մէջ, Քաթրին Քոլոննայի հետ հանդիպման ժամանակ, Ատրպէյճանի արտաքին գործերու նախարար Ճէյհուն Պայրամով ըսած էր, թէ «ատրպէյճանական կողմի առաջարկներէն մէկը Լաչինի ճանապարհին թափանցիկ վերահսկողութեան կարգի ներդրումն էր: Սակայն Հայաստանը հրաժարած է զուգահեռ վերահսկողութեան առաջարկէն: Այդ պատճառով Լաչինի ճանապարհին թափանցիկ հսկողութիւն ապահովելու նպատակով Ատրպէյճանը Ապրիլ 23-ին քայլերու ձեռնարկած է մուտքի վերահսկման գործառոյթները իրականացնելու ուղղութեամբ»:
Միրզոյեան շեշտեց, որ Լաչինի վերաբերեալ բանակցութիւն տեղի ունեցած եւ պայմանաւորուածութիւն ձեռք բերուած է 2020-ի Նոյեմբեր 9-ի եռակողմ յայտարարութեամբ, նոր կարգաւորման շուրջ բանակցութիւններուն մէջ, Լաչինի միջանցքի կարգին վերաբերեալ, Հայաստանը երբեք չէ պատրաստուած եւ չի պատրաստուիր ներգրաւուելու:
«Աւելին` մենք կարծում են, որ բոլոր ձեռքբերուած պայմանաւորուածութիւնները, եւ սա վերաբերւում է ոչ միայն Լաչինի միջանցքի շուրջ եղած պայմանաւորուածութեանը, պէտք է անխափան կերպով եւ հետեւողականօրէն կարգաւորուեն, որպէսզի հնարաւոր լինի Հայաստան-Ատրպէյճան յարաբերութիւնների համընդհանուր կարգաւորման գործընթացում աւելի լուրջ ձեռքբերումներ ունենալ», ըսաւ Հայաստանի արտաքին քաղաքական գերատեսչութեան ղեկավարը:
Այն, ինչ Ատրպէյճանը ըրած է եւ կը շարունակէ ընել Լաչինի մէջ, բացարձակապէս ապօրինի է, յայտնեց Միրզոյեան` վկայակոչելով Արդարադատութեան դատարանի Փետրուարի 22-ի վճիռը Ատրպէյճանի դէմ:
Ատրպէյճանը Ապրիլ 23-ին փակեց Հայաստանը Արցախին կապող Հաքարիի կամուրջը, որ Լաչինի միջանցքին է`ռուս խաղաղապահներու վերահսկողութեան գօտիին մէջ: Պաքուէն յայտնեցին, թէ նոր անցակէտ տեղադրած են` պարզաբանելով` «անվտանգութեան նկատառումներր ելլելով»: Փաստացի, Պաքուի այս քայլին հետեւանքով Արցախի 4 գիւղեր յայտնուած են լիակատար շրջափակման մէջ: Հայաստանը ՄԱԿ-ի դատարանին ծանուցած է Ատրպէյճանի հերթական խախտման մասին:
