Վարչապետ Նիկոլ Փաշինեանի հրաժարականը պահանջող քաղաքացիները Երեւանի մէջ անհնազանդութեան բողոքի հաւաքներ կը կատարեն՝ փողոցներ կը փակեն եւ երթեր կը կազմակերպեն:
Անոնք խումբերով կը քալեն դէպի տարբեր խաչմերուկներ, փողոցները կը փակեն 1-2 րոպէով եւ ոստիկաններու յորդորներէն յետոյ կը բանան: Ոստիկանները ձերբակալեցին փողոցները փակող որոշ ցուցարարներ:
Բողոքի հաւաքի մասնակիցները կը պնդեն, որ Նոյեմբեր 9-ի եռակողմ յայտարարութեան տակ ստորագրող անձը չի կրնար պաշտօնավարել:
Նշենք, որ վարչապետ Նիկոլ Փաշինեանի հրաժարականը պահանջող 16 կուսակցութիւնները այսօր յայտարարեցին, որ որպէս վարչապետ կ’առաջադրեն Վազգէն Մանուկեանի թեկնածութիւնը: