Իրաք կատարած պաշտօնական այցի շրջանակներուն մէջ Հայաստանի նախագահ Վահագն Խաչատուրեան հանդիպած է Պաղտատի հայկական համայնքի եւ կազմակերպութիւններու ներկայացուցիչներուն հետ։
Հանդիպման ընթացքին նախագահը անմիջական մթնոլորտի մէջ մանրամասնութիւններ ներկայացուցած է Հայաստանի ներքին ու արտաքին քաղաքական, տնտեսական եւ հասարակական կեանքի ընդհանուր իրավիճակի եւ զարգացումներուն վերաբերեալ, զրուցած է միջոցառման մասնակիցներուն հետ եւ պատասխանած զանոնք յուզող հարցերուն։
