Ռուսաստանը նախագահ Վլատիմիր Փութինի Հայաստան հնարաւոր այցէն առաջ պէտք է որոշակի հաւաստիացումներ ունենայ հայ գործընկերներէն ՄՔԴ-ին միանալու հետ կապուած, այդ հարցը պէտք է լուծել: Այս մասին «Ռիա Նովոսթի»-ին ըսած է Ռուսաստանի նախագահի մամուլի քարտուղար Տմիթրի Փեսքով:
Փեսքովի խօսքով` նոր իրողութիւնը՝ կապուած միջազգային կանոնադրութեան Հայաստանի միանալու հետ, ի հարկէ, չի կրնար չունենալ բացասական ազդեցութիւն երկկողմ յարաբերութիւններուն վրայ. «Ի հարկէ, այստեղ շատ կարեւոր է ստանալ մեր հայ գործընկերներուն որոշակի հաւաստիացումները։ Այդ հարցը դեռ պէտք է լուծուի երկկողմ երկխօսութեան շրջանակին մէջ, ինչին ալ մենք տրամադրուած ենք», ըսած է Փեսքով լրագրողներուն։