Վարչապետ Նիկոլ Փաշինեան ընդունած է Հայաստանի մէջ ԱՄՆ դեսպան Քրիսթինա Քվինը, քննարկած են տարբեր ուղղութիւններով երկկողմ համագործակցութեան խորացման, Հայաստան-ԱՄՆ ռազմավարական երկխօսութեան վերաբերող հարցեր:
Փաշինեան ու Քվին միտքեր փոխանակած են Հարաւային Կովկասի մէջ տեղի ունեցող գործընթացներու, տարածաշրջանային ենթակառուցուածքներու ապաշրջափակման հնարաւորութիւններուն, Հայաստանի կառավարութեան «Խաղաղութեան Խաչմերուկ» նախագիծին շուրջ։
Փաշինեան կարեւորած է Հայաստան-ԱՄՆ համագործակցութեան շարունակական զարգացումը եւ ընդգծած է Հայաստանի մէջ ժողովրդավարական բարեփոխումներու արդիւնաւէտ իրականացման գործին մէջ ԱՄՆ աջակցութիւնը:
Հայաստանի կառավարութիւնը բարձր կը գնահատէ ԱՄՆ ջանքերը Հայաստան-Ատրպէյճան խաղաղութեան գործընթացին մէջ եւ տարածաշրջանին մէջ կայունութեան հաստատման ուղղուած քայլերուն մէջ, եզրափակած է Հայաստանի վարչապետը։
