ՀՀ տնտեսութեան նախարար Վահան Քերոբեան Պեռլինի մէջ տեղի ունեցող «Պարէնի եւ գիւղատնտեսութեան միջազգային համաժողովի» (GFFA) շրջանակին մէջ հանդիպած է Պարէնի եւ գիւղատնտեսութեան դաշնային նախարար Ճեմ Օզտեմիրի հետ։ Հանդիպման ներկայ եղած են նաեւ ՀՀ տնտեսութեան նախարարի տեղակալներ Արման Խոճոյեանը եւ Ռաֆայէլ Գէորգեանը։
Հանդիպման ընթացքին Վահան Քերոբեան ներկայացուցած է գիւղատնտեսութեան ոլորտին մէջ իրականացուող ծրագրերը։ Այնուհետեւ զրուցակիցները միտքեր փոխանակած են աղքատութեան եւ սովի դէմ պայքարի գործընթացին մէջ Հայաստանի ներգրաւուածութեան վերաբերեալ։
Նախարար Վահան Քերոբեան հրաւիրած է գիւղատնտեսութեան ոլորտի գերմանական ընկերութիւնները համագործակցելու հայկական կազմակերպութիւններու հետ։
Ճեմ Օզտեմիր, իր հերթին, առաջարկած է աւելի ընդլայնել համագործակցութիւնը գիւղատնտեսութեան ոլորտին մէջեւ համատեղ մշակել ոլորտի զարգացման ուղղուած ծրագրեր։