Վարչապետ Նիկոլ Փաշինեան Փարիզի մէջ` իր կեցավայրին մէջ, ընդունած է ԱՄՆ պետական քարտուղարի օգնական Ճէյմզ Օ-Պրայընը:
Վարչապետը ընդգծած է ԱՄՆ դերը Հայաստան-Ատրպէյճան խաղաղութեան գործընթացին մէջ եւ կարեւորած է անոր շարունակականութիւնը:
Շեշտուած է 2023 թուականի Մայիս 14-ի եւ Յուլիս 15-ի` Պրիւքսէլի մէջ կայացած եռակողմ հանդիպումներու արդիւնքներով համաձայնեցուած սկզբունքներու հիման վրայ խաղաղութեան գործընթացը շարունակելու կարեւորութիւնը:
Վարչապետ Փաշինեան անդրադարադձած է ՀՀ կառավարութեան «Խաղաղութեան խաչմերուկ» նախագիծին եւ յաւելած, որ տարածաշրջանային ճանապարհային ենթակառուցուածքներու ապաշրջափակումը պէտք է տեղի ունենայ ինքնիշխանութեան, իրաւազօրութեան, փոխադարձութեան եւ հաւասարութեան սկզբունքներու հիման վրայ:
Անդրադարձ կատարուած է Լեռնային Ղարաբաղի մէջ Ատրպէյճանի կողմէ ցեղային զտման քաղաքականութեան հետեւանքով 100 հազարէ ագելի բռնի տեղահանուած անձերու մարդասիրական խնդիրներուն, ինչպէս նաեւ անոնց յաղթահարման ուղղութեամբ Հայաստանի կառավարութեան կողմէ իրականացուող քայլերուն: Կարեւորուած է միջազգային հանրութեան օժանդակութիւնը` առկայ խնդիրներու լուծման գործին մէջ: