ԱՄՆ փոխդեսպանի պաշտօնակատար Ճոն Ալելոն եղած է Սիւնիքի մէջ եւ տեղահանուած անձերէն ու մարզի ղեկավարներէն տեղեկացած Է Լաչինի միջանցքի շարունակուող շրջափակման պատճառած զրկանքներուն մասին, յայտարարած է Հայաստանի մէջ ԱՄՆ դեսպանատունը:
«Մենք կը վերահաստատենք պետական քարտուղար Պլինքընի կոչը մասնաւոր եւ առեւտրային փոխադրումներու համար Լաչինի միջանցքը անյապաղ վերաբանալու մասին», յայտարարած է դեսպանատունը։
ԱՄՆ պետական քարտուղար Էնթընի Պլինքըն, Յուլիս 13-ին, Ատրպէյճանի նախագահ իլհամ Ալիեւի հետ հեռախօսազրոյցին ընթացքին ընդգծած է «Լաչինի միջանցքով առեւտրային, մարդասիրական եւ մասնաւոր ինքնաշարժներու անխափան անցման կարեւորութիւնը»: