ԱՄՆ Պետական Քարտուղարութեան խօսնակի տեղակալ Վետանթ Փաթելը հաւաստիացուցած է, որ Լաչինի միջանցքով մարդոց, փոխադրութեան եւ առեւտուրի ազատ տեղաշարժի անհրաժեշտութեան մասին ԱՄՆ-ի յայտարարութիւնները ուժի մէջ են:
Հերթական ճեպազրոյցի ժամանակ անոր հարցում ուղղած են. «Ատրպէյճանի կառավարութիւնը անտեսած է Պետական Քարտուղարութեան կողմէ նախապէս կատարուած բոլոր կոչերը` ապաշրջափակելու ճանապարհը` Լաչինի միջանցքը: Արդեօք այս վարչակազմը այլ քայլեր ունի՞, այլ քայլերու կը մտածէ ձեռնարկել` համոզուելու, որ ճանապարհը ապաշրջափակուի եւ Լեռնային Ղարաբաղի մէջ մարդասիրական գրեթէ աղէտալի իրավիճակը բարելաւուի»:
Ի պատասխան Փաթել նշած է. «Մենք չենք վերլուծած մեր խօսքերը Լաչինի միջանցքով մարդոց, փոխադրութեան եւ առեւտուրի ազատ տեղաշարժի անհրաժեշտութեան մասին: Այդ կը շարունակէ մնալ արդիական, եւ մենք պիտի շարունակենք ուղղակիօրէն բարձրաձայնել այդ հարցը մեր հայ գործընկերներուն հետ»:
