Սամարղանտի մէջ, ԱՊՀ արտաքին գործերու Նախարարներու Խորհուրդի նիստի շրջանակներուն մէջ, տեղի ունեցած է Հայաստանի եւ Ռուսիոյ արտաքին գերատեսչութիւններու ղեկավարներ Արարատ Միրզոյեանի եւ Սերկէյ Լաւրովի հանդիպումը:
Ըստ Ռուսիոյ Արտաքին Գործերու Նախարարութեան, նախարարները քննարկած են երկկողմ օրակարգի շարք մը հարցեր: Տեղի ունեցած է միտքերու փոխանակում տարածաշրջանային թեմաներու շուրջ:
Կողմերը կարեւորած են Ռուսիոյ, Հայաստանի եւ Ատրպէյճանի ղեկավարներու 2020-2022 թուականներու եռակողմ համաձայնութիւններով նախատեսուած հայ-ատրպէյճանական յարաբերութիւններու բարելաւման գործընթացի բոլոր ուղղութիւններով ջանքերը աշխուժացնելու անհրաժեշտութիւնը:
Ձեռք բերուած է պայմանաւորուածութիւն դիւանագիտական շփումները շարունակելու վերաբերեալ:
Ատրպէյճանի արտաքին գործերու նախարար Ճէյհուն Պայրամովի փոխարէն Սամարղանտի հանդիպման կը մասնակցի անոր տեղակալ Խալաֆ Խալաֆովը:
