Հարաւային Կովկասի մէջ անվտանգային իրավիճակի կայունացման ու երկարատեւ խաղաղութեան հաստատման ուղղուած հայկական կողմին ջանքերը կը բախին պաշտօնական Պաքուի չդադրող յարձակողական հռետորաբանութեան եւ շարունակական ռազմական ոտնձգութիւններուն, յայտնած է արտաքին գործերու նախարար Արարատ Միրզոյեանը ԱՊՀ մասնակից պետութիւններու արտաքին գործերու Նախարարներու Խորհուրդի նիստին:
Որպէս անոնց հերթական դրսեւորումներէն մէկը Արարատ Միրզոյեանը նշած է Ապրիլ 11-ին ՀՀ տարածքին` Սիւնիքի մարզի Տեղ գիւղի հատուածին մէջ իրականացուած սադրանքը, ըսուած է Արտաքին Գործերու Նախարարութեան հաղորդագրութեան մէջ: Շեշտուած է, որ Ատրպէյճանի գործողութիւնները կը հակասեն Փրակի եւ Սոչիի հանդիպումներու արդիւնքներով ընդունուած յայտարարութիւններուն:
«Ատրպէյճանի կողմից Լաչինի միջանցքի` արդէն չորս ամիս շարունակուող ապօրինի արգելափակման ծիրին մէջ ընդգծուել է, որ Հայաստանը ներգրաւուած բոլոր կողմերից ակնկալում է գործուն քայլեր` ստանձնած պարտաւորութիւնների, ինչպէս նաեւ Արդարատադութեան Միջազգային Դատարանի Փետրուարի 22-ի որոշման անշեղ կատարման, Լաչինի միջանցքով տեղաշարժի վերականգնման ուղղութեամբ` խստագոյնս հետեւելով 2020թ. Նոյեմբերի 9-ի եռակողմ յայտարարութեան դրոյթներին», ըսուած է հաղորդագրութեան մէջ:
Անդրադառնալով եռակողմ յայտարարութեան միւս դրոյթներու խախտումներուն` նախարարը մատնանշած է, որ հակառակ միջազգային հանրութեան, հեղինակաւոր իրաւապաշտպան կազմակերպութիւններու բազմաթիւ կոչերուն` Ատրպէյճանը կը շարունակէ ապօրինաբար պատանդառութեան մէջ պահել հայ ռազմագերիները եւ քաղաքացիական անձերը` անոնց նկատմամբ իրականացնելով շինծու դատավարութիւններ եւ ենթարկելով անմարդկային վերաբերմունքի:
Ուզպեքիստանի Սամարղանտ քաղաքին մէջ տեղի ունեցող նիստին իր ելոյթին ընթացքին Միրզոյեան նշած է, որ չնայած բոլոր դժուարութիւններուն, հայկական կողմը հաւատարիմ է առկայ յանձնառութիւններուն եւ պատրաստ է գործադրելու բոլոր ջանքերը տարածաշրջանին մէջ խաղաղութեան եւ կայունութեան հասնելու համար: