Արցախի Հանրապետութեան նախագահ Արայիկ Յարութիւնեան ուժային կառոյցներու պատասխանատուներուն մասնակցութեամբ աշխատանքային խորհրդակցութիւն հրաւիրած է:
Քննարկուած են Ատրպէյճանի կողմէ Արցախի չորս ամիս տեւող շրջափակման պայմաններուն մէջ ծագած անվտանգային նոր մարտահրաւէրները եւ զանոնք դիմակայելուն ուղղուած աշխատանքներուն ընթացքը: Երկրին ղեկավարը շարք մը նոր յանձնարարականներ տուած է պատասխանատուներուն, ընդգծած է զանոնք հետեւողական կերպով իրականացնելու կարեւորութիւնը:
Հանդիպման ներկայ էին նաեւ նախագահի աշխատակազմի ղեկավար Կարէն Շահրամանեանը, Անվտանգութեան Խորհուրդի քարտուղար Սամուէլ Շահրամանեանը:
