Հայաստանի վարչապետ Նիկոլ Փաշինեան կ’ընդգծէ, որ Հայաստանի մէջ տեղի ունեցած ոչ-բռնի, թաւշեայ յեղափոխութենէն յետոյ ժողովրդավարութիւնը Հայաստանի մէջ իսկապէս իրականութիւն դարձած է։
Վարչապետ Նիկոլ Փաշինեան այս մասին ըսած է՝ ելոյթ ունենալով «Քոփենհակընի ժողովրդավարութեան գագաթաժողովին» եւ մասնակցելով «Առաջնագիծէն․ Հայաստանի ժողովրդավարութեան պաշտպանութիւնը» (“From the frontline: Armenia’s defence of democracy”) թեմայով քննարկման:
Վարչապետը իր ելոյթին մէջ լաւ նորութիւն համարեց այն, որ ժողովրդավարութիւնը իսկապէս իրականութիւն դարձած է Հայաստանի մէջ: «Բայց ի՞նչ է փոխուել Հայաստանի քաղաքացիների համար իրական ժողովրդավարութեամբ։ Մինչեւ 2018 թուականի Թաւշեայ յեղափոխութիւնը մեր երկրում զանգուածային ընտրակեղծիքներն էին ընտրութիւնների սովորական ուղեկիցը։
«Քաղաքացիների շրջանում վստահութիւն չկար, որ նրանց համար խորհրդարան եւ կառավարութիւն ընտրելու եւ ձեւաւորելու իրական հնարաւորութիւն կայ։ Այժմ իրավիճակը բոլորովին այլ է: Քաղաքացիները գիտեն, որ իրենք բաւականաչափ հզօր են որոշելու համար»,-ըսաւ վարչապետը՝ յաւելելով, որ 2018 թուականին Հայաստանի մէջ տեղի ունեցած Թաւշեայ յեղափոխութենէն յետոյ Հայաստանի մէջ կայացուած երկու համընդհանուր ընտրութիւնները թէ՛ հայ հասարակութեան, թէ՛ միջազգային հանրութեան կողմէ ճանչցուած են ժողովրդավարական, ազատ եւ մրցակցային։
Ան նշեց, որ Հայաստանը հսկայական յառաջընթաց արձանագրած է ժողովրդավարական հիմնարկներու ամրապնդման գործին մէջ, ինչ որ շատ լաւ արտացոլուած է տարբեր հեղինակաւոր միջազգային կառոյցներու ժողովրդավարութեան ցուցանիշերուն մէջ:
«Այժմ մենք 43-րդն ենք «Լրագրողներ առանց սահմաններու» խօսքի ազատութեան ցուցակին մէջ՝ 2017 թուականին 79-րդ տեղին համեմատ: «Freedom House»-ի կողմէ 2017 թուականին դասակարգուած ըլլալով որպէս մասամբ անվճար համացանց ունեցող՝ այժմ մենք կը վայելենք անվճար համացանց ունեցող երկրի կարգավիճակը: «Թրանսփարէնսի Ինթըրնեշընլ» փտածութեան ընկալման ցուցակիին մէջ Հայաստանը այժմ 62-րդ տեղն է՝ 2017 թուականի 107-րդի փոխարէն: Economist Intelligence Unit Democracy Index-ին մէջ այժմ մենք 84-րդն ենք՝ 2017-ի 111-ի համեմատ»,- ընդգծեց Նիկոլ Փաշինեան։
