Վարչապետ Նիկոլ Փաշինեան ընդունած է Եւրոպական Միութեան Արտաքին Գործողութիւններու Ծառայութեան քաղաքացիական գործողութիւններու հրամանատար Սթեֆանօ Թոմաթը եւ անոր գլխաւորած պատուիրակութիւնը, որուն կազմին մէջ էր նաեւ Հայաստանի մէջ ԵՄ նոր մշտադիտարկման առաքելութեան ղեկավար Մարքուս Ռիթըրը:
Վարչապետը ողջունած է Հայաստանի մէջ ԵՄ երկարաժամկէտ քաղաքացիական մշտադիտարկման առաքելութեան տեղակայման մասին որոշումը եւ ընդգծած, որ այն նպաստ պիտի բերէ տարածաշրջանային կայունութեան ու խաղաղութեան ապահովման:
ԵՄ քաղաքացիական գործողութիւններու հրամանատարը երախտագիտութիւն յայտնած է հայկական կողմին` առաքելութեան ցուցաբերած օժանդակութեան համար եւ անդրադարձած է Հայաստանի մէջ իրականացուելիք աշխատանքներուն:
Հանդիպման ընթացքին միտքեր փոխանակուած են ԵՄ քաղաքացիական մշտադիտարկման առաքելութեան վերաբերող հարցերու եւ համագործակցութեան օրակարգին շուրջ: