Թուրքիոյ մէջ Փետրուար 6-ին տեղի ունեցած երկրաշարժին հետեւանքով զոհուած հայերու թիւին աւելցաւ նաեւ հայազգի երգչուհի Զիլան Տիգրիսը: Տիարպեքիրի մէջ զինք եւ ամուսինը մահացած գտած են փլատակներուն միջէն: Այդ մասին կը յայտնէ Akunq.net-ը հիմնուելով տիգրանակերտցի հայ երաժիշտ Ուտի Երուանդի (Երուանդ Պոսթանճեան) ֆէյսպուքեան գրառման վրայ:
Աղբիւրին համաձայն` հայ երաժիշտը իր էջով մասնաւորապէս նշած է․ «Ձեռքերս դողալով կը գրեմ․ դժբախտաբար կորսնցուցինք մեր թանկագին քոյրը` Զիլան Տիգրիսը եւ իր ամուսինը: Կը ցաւակցիմ Տիարպեքիրի մէջ զայն սիրողներուն: Կորսնցուցինք մեր ձայներէն մէկը: Անոր հետ մէկ շաբաթ առաջ երկար զրուցած էի Սուրբ Կիրակոս եկեղեցւոյ մէջ: Անպատմելի վիշտ կ’ապրիմ»: