Հեղինակաւոր «Forbes» ամսագիրը կազմած է 2023 թուականին ճամբորդութիւններու համար ամենահետաքրքրական ուղղութիւններու ցանկը:
Հայաստանը «Forbes»-ի կողմէ ճանչցուած է 2023 թուականի զբօսաշրջութեան լաւագոյն ուղղութիւններէն մէկը:
Ըստ «Forbes» ամսագրին, Հայաստանը գեղեցիկ երկիր է` հարուստ պատմութեամբ եւ մշակոյթով: Այն հիանալի բնապատկերներու տուն է, ներառեալ Կովկասեան լեռները եւ Սեւանայ լիճը, ինչպէս նաեւ բազմաթիւ հնագոյն ճարտարապետական հրաշքներ, ինչպիսիք են Գառնիի տաճարը եւ Հաղպատի վանքը:
Ամսագիրը կը գրէ, որ Հայաստանը յայտնի է նաեւ իր համեղ խոհանոցով: Յօդուածագիրը համեղ սնուիլ սիրողներուն խորհուրդ կու տայ անպայման փորձել հայկական խաշը, տոլման, մանթին եւ, ի հարկէ, տնական թթու վարունգը: