Մոսկուայի մէջ Դեկտեմբեր 23-ին նախատեսուած է Հայաստանի, Ռուսիոյ եւ Ատրպէյճանի արտաքին գործերու նախարարներուն հանդիպումը, սակայն հայկական կողմը խնդրած է յետաձգել հանդիպումը, քանի որ այս պահին Հայաստանի արտաքին գործերու նախարարին առաջնահերթութիւնը Լաչինի միջանցքի անխոչընդոտ վերագործարկման եւ Լեռնային Ղարաբաղի մէջ մարդասիրական ճգնաժամին հետեւանքով ստեղծուած խնդիրներու հասցէագրումն է: «Արմենփրես»-ի հարցին ի պատասխան` այս մասին ըսած է Հայաստանի Արտաքին Գործերու Նախարարութեան մամուլի խօսնակ Վահան Յունանեանը:
Հարց.- Արդեօ՞ք ճիշդ են տեղեկութիւնները, որ խաղաղութեան պայմանագրի բանակցութիւններու ծիրին մէջ Մոսկուայի մէջ, Դեկտեմբեր 23-ին, նախատեսուած էր Հայաստանի, Ռուսիոյ եւ Ատրպէյճանի արտաքին գործերու նախարարներուն միջեւ հանդիպում, որ պիտի չկայանայ:
Պատասխան.- Հայկական կողմը Մոսկուայում կայանալիք հանդիպմանը մասնակցութեան իր պատրաստակամութիւնը հաստատել էր շուրջ 2 շաբաթ առաջ` մինչեւ Ատրպէյճանի կողմից Լաչինի միջանցքի ապօրինի արգելափակումը:
Ակնյայտօրէն արտաքին գործերի նախարար Արարատ Միրզոյեանի աշխատանքային առաջնահերթութիւնն այս պահին 2020 թ. Նոյեմբերի 9-ի եռակողմ յայտարարութեանը համապատասխան Լաչինի միջանցքի անխոչընդոտ վերագործարկման եւ Լեռնային Ղարաբաղում մարդասիրական ճգնաժամի արդիւնքում ստեղծուած խնդիրների հասցէագրումն է, ինչից ելնելով հայկական կողմը խնդրել է յետաձգել Մոսկուայում նախատեսուած հանդիպումը:
Միեւնոյն ժամանակ տեղեկացնենք, որ ի նշան Ատրպէյճանի հետ յարաբերութիւնների կարգաւորման գործընթացում հայկական կողմի կառուցողականութեան` անկախ հանդիպման հանգամանքից, Ատրպէյճանին են փոխանցուել յարաբերութիւնների կարգաւորման վերաբերեալ փաստաթղթի առնչութեամբ հայկական կողմի նոր առաջարկները:
