ԱՄՆ ներկայացուցիչներու Տան խօսնակ Նենսի Փելոսին յայտնած է, որ Շաբաթ օր պիտի այցելէ Հայաստան:
Լրագրողներուն հետ ան այսօր խօսած է Պերլինի մէջ եւ նշած, որ մտադիր է Հայաստան մեկնելու պատուիրակութեան հետ, որու կազմին մէջ է նաեւ Գալիֆորնիա նահանգէն հայկական արմատներ ունեցող գոնկրէսական Ճեքի Սփիրը:
«Ասոշիեյթըտ Փրես»ի փոխանցմամբ` Փելոսին մերժած է ճամբորդութեան մասին այլ մանրամասնութիւններ յայտնել, նշելով, որ Գոնկրէսի ճամբորդող անդամները «չեն սիրեր թիրախ ըլլալ»: