Հայաստանի մէջ առաջին եռամսեակի իրական տնտեսական աճը կազմած է 8.6 տոկոս` չնայած աշխարհաքաղաքական իրավիճակին, ճգնաժամերուն: Այս մասին յայտնեց ՀՀ վարչապետ Նիկոլ Փաշինեանը` Ազգային Ժողովին մէջ կառավարութեան անդամներուն հետ հարցուպատասխանին ընթացքին, անդրադառնալով ՔՊ-էն Գէորգ Պապոյեանի հարցումին:
Պապոյեանը յիշեցուց, որ Յունուար-Ապրիլին տնտեսական աշխուժութեան ցուցանիշը աճած է 9.4 տոկոսով, ինչ որ համարեց բաւականին գոհացուցիչ` յատկապէս ռուս-ուքրանական իրավիճակով պայմանաւորուած աւելի վատ կանխատեսումներու լոյսին տակ: Ան հետաքրքրուեցաւ, թէ կառավարութիւննը ինչպիսի՞ գործողութիւններ կը պատրաստուի իրականացնելու այդ կշռոյթը պահելու համար:
Ըստ վարչապետին` տնտեսական աշխուժութեան ցուցանիշը որոշակի բանաձեւերով կը վերածուի տնտեսական աճի: Բայց այս փուլին ամփոփուած է առաջին եռամսեակի տնտեսական աճը: «Եւ մենք ունենք 8.6 տոկոս իրական տնտեսական աճ: Սա գալիս է ի ցոյց դնելու Հայաստանի տնտեսական դիմակայունութիւնը: Ապրիլին մենք գրանցել ենք երրորդ հանրապետութեան պատմութեան ողջ ընթացքում գրանցուած եւ աշխատավարձ ստացող աշխատատեղիների բացարձակ մրցանիշ: Ապրիլի արդիւնքներով, Հայաստանում գրանցուած եւ աշխատավարձ ունեցող աշխատատեղիների թիւն աւելի քան 120 հազարով աւել է, քան 2018 թուականին: Առաջին 4 ամիսների տուեալներով, այս տարի նախորդ տարուանից մօտ 570 միլիառ դրամի աւել առեւտրաշրջանառութիւն է տեղի ունեցել», ըսաւ Փաշինեանը:
Ըստ անոր` սա կը նշանակէ, որ հակառակ ճգնաժամերուն, աշխարհաքաղաքական վիճակին, այս տարի 7 տոկոս տնտեսական աճ պէտք է ապահովուի, որուն համար շատ մեծ ջանք կը պահանջուի: Վարչապետը յոյս յայտնեց, որ Հայաստանի իշխանութեան խաղաղութեան օրակարգը տնտեսութեան տրամադրութիւնը աւելի լաւը պիտի դարձնէ, եւ այդ նպատակին հնարաւոր պիտի ըլլայ հասնիլ:
Անդրադառնալով հարցին, թէ որո՞նք են այն պատճառները, որ հակառակ յոռետեսութեան` տնտեսութիւնը այսպիսի դիմակայութիւն կը ցուցադրէ, վարչապետը ըսաւ. «Դա նրանից է, որ փտած համակարգ չկայ, որ տնտեսութիւնից այդ փողերը քաշի եւ տանի ինչ-որ դարակներում, օֆշորային հաշիւներում լցնի: Սա շատ կարեւոր հանգամանք է: Առեւտուրը այսօր գիտի, որ ուրիշի հետ յարաբերութիւն չունի, իր յարաբերութիւնն իր հետ է, մրցակցային դաշտի հետ է, իր հարկային պարտաւորութիւնների եւ օրէնքի հետ է: Եւ սա առաջին հերթին կապում են սրա հետ, նաեւ կառավարութեան վարած տնտեսական քաղաքականութեան հետ»:
