«Իրազեկ քաղաքացիներու միաւորում» հասարակական կազմակերպութեան ծրագիրներու համակարգող Դանիէլ Իոաննիսեանը Ուաշինկթընի մէջ գործող Հելսինքեան յանձնաժողովին մէջ կայացած «Բարեփոխումները Հայաստանի մէջ. առաջընթաց եւ հնարաւորութիւններ» խորագրով լսումներու ժամանակ առաջարկած է Հայաստանի մէջ քորուփցիոն յանցանքներուն առնչուողներուն՝ ապօրինի ճանապարհով ձեռք բերուած միջոցները ԱՄՆ-ի մէջ սառեցնել:
Ընդհանուր առմամբ, Իոաննիսեանը լսումները կառուցողական ու բովանդակալից կը համարէ, ան նկատել տուած է, որ վերջին անգամ Հայաստանի մասին լսումներ տեղի ունեցած են 2008 թուականի Մարտ 1-ի դէպքերէն ետք:
«Ամերիկեան աջակցութիւնը կարող է արտայայտուել նաեւ Հետաքննութիւնների դաշնային բիւրոյի՝ FBI-ի, եւ այլ իրաւապահների փորձի փոխանակմամբ՝ գան եւ Հայաստանում իրենց փորձը ներկայացնեն, թէ ինչպէս են իրենք այդ յանցագործութիւնների դէմ պայքարում», – «Ազատութեան» հետ զրոյցի ժամանակ ըսած է Իոաննիսեանը եւ շարունակած․ – «Ինչպէս գիտէք, Հայաստանում հիմա նաեւ մշակւում է ապօրինի ճանապարհով ձեռք բերուած գոյքի վերականգնման վերաբերեալ օրէնսդրութիւն, եւ էս առումով, պէտք է ասեմ, որ Ամերիկայի Միացեալ Նահանգները շատ երկրների է աջակցել, որ այդ երկրներում քորուփցիոն ճանապարհներով եւ այլ յանցաւոր ճանապարհներով ապօրինի ձեռք բերուած գոյքը, որը տարուել է ԱՄՆ, գոնէ սառեցուի, իսկ յետոյ նաեւ վերադարձուի: Եւ շատ օգտակար կը լինէր, որ Ամերիկան նաեւ այդ աջակցութիւնը ցոյց տար Հայաստանին»:
Հելսինքեան յանձնաժողովը ԱՄՆ կառավարական մարմին է եւ բաղկացած է 9 ծերակուտականներէ, 9 քոնկրէսականներէ եւ գործադիր իշխանութեան 3 ներկայացուցիչներէ։ Հանդիպման ներկայ եղած են 4 քոնկրէսական, 2-ը՝ դեմոկրատ, 2-ը՝ հանրապետական:
Շուրջ երկու ժամ տեւած հանդիպման ընթացքին, Իոաննիսեանի փոխանցմամբ, անդրադարձ եղած է Հայաստանի մէջ ժողովրդավարութեան վիճակին: Իրազեկ քաղաքացիներու միաւորման ծրագիրներու համակարգողը իր ելոյթին մէջ ընդգծած է, որ նախկին քորումփացուած համակարգի ներկայացուցիչները ամէն կերպ կը խոչընդոտեն ժողովրդավարական ձեւափոխութեան, ան իր մտահոգութիւնները բարձրաձայնած է նաեւ Հայաստանի դատական համակարգին մէջ առկայ խնդիրներու մասին:
«Ներկայացրեցի իմ կարծիքը թէ՛ վերջին իրադարձութիւնների հետ կապուած, թէ՛ Վահէ Գրիգորեանի յայտարարութեան հետ կապուած, երբ յայտարարել է, որ գնում է Սահմանադրական դատարան որպէս նախագահ», -ըսած է Դանիէլ Իոաննիսեանը:
