Թուրքիոյ Սահմանադրական դատարանը մերժած է «Ժողովուրդներու Դեմոկրատական» կուսակցութեան հայ պատգամաւոր Կարօ Փայլանի դիմումը` մէճլիսի (խորհրդարան) մէջ իր խօսքերը արձանագրութենէն հանելու ու իրեն 3 նիստ չմասնակցելու պատիժը բողոքարկելու կապակ-ցութեամբ:
Ինչպէս կը տեղեկացնէ Պոլսոյ հայկական «Ակօս»-ը, Թուրքիոյ Սահմանադրական դատարանը «Պաշտօնաթերթի» միջոցով յայտնած է, որ Սահմանադրական Դատարանը մերժած է Կարօ Փայլանի հայցը:
Նշուած է, որ Սահմանադրական Դատարանին մէջ ձայներու մեծամասնութեամբ որոշուած է մերժել Կարօ Փայլանի հայցը:
Նշենք, որ Կարօ Փայլան Թուրքիոյ խորհրդարանէն ներս ելոյթի ժամանակ խօսած էր Հայոց ցեղասպանութեան մասին, որմէ ետք խորհրդարանի ղեկավարութիւնը որպէս պատիժ արգիլած էին 3 նիստի անոր մասնակցութիւնը, ինչպէս նաեւ խորհրդարանի նիստի արձանագրութենէն հեռացուցած էին իր խօսքի մէջ Հայոց ցեղասպանութեան հետ կապուած հատուածը:
Կարօ Փայլան այս որոշումները հակասահմանադրական համարած էր ու դիմած էր Սահմանադրական Դատարան:
