Իրանը Հայաստանը կը դիտարկէ որպէս ամենակարճ ճանապարհը դէպի Եւրասիական Տնտեսական Միութեան 200-միլիոնանոց շուկայ։ Երեւանի մէջ կայացած մամուլի ասուլիսի ընթացքին այս մասին ըսած է Իրանի դեսպան Մեհտի Սոպհանին։
Անոր խօսքով՝ շուտով Հայաստանի մէջ պիտի բացուի Իրանի առեւտուրի տուն։
«Մենք Հայաստանը չենք դիտարկեր որպէս 3-միլիոնանոց շուկայ, մեզի համար այն հարթակ է, որով մենք կրնանք դուրս գալ դէպի ԵԱՏՄ 200-միլիոնանոց շուկայ: Հայաստանը ԵԱՏՄ միակ երկիրն է, որ ունի սահման Իրանի հետ»,- յաւելած է ան։ Սոպհանին նշած է, որ նախորդ տարի առեւտրաշրջանառութեան ծաւալը կազմած է 704 միլիոն տոլար։
