Մոսկուան գերատեսչական նամակ ստացած է Երեւանի օդակայանէն ռուս սահմանապահներու դուրսբերման մասին։ Այս մասին լրագրողներուն յայտնած է Ռուսիոյ նախագահի մամուլի քարտուղար Տմիթրի Փեքով։
«Այնտեղ, իրօք, գերատեսչական նամակ ստացուած է այս առնչութեամբ: Եւ այժմ գերատեսչութիւններու միջոցով շփումներ կ’իրականացուին: Աւելին հիմա չեմ կրնար ըսել: Բնականաբար, բոլոր հնարաւոր մակարդակներով շփումները պիտի շարունակուին», ըսած է ան։
Յիշեցնենք, որ ՀՀ վարչապետ Նիկոլ Փաշինեան մամուլի ասուլիսի ընթացքին ըսաւ, որ հայկական կողմը շնորհակալութիւն յայտնած է ռուսական կողմին աջակցութեան համար եւ տեղեկացուցած, որ կրնայ իր ուժերով իրականացնել սահմանային հսկողութիւնը։