Ռուսաստանը որեւէ կերպ չի խանգարեր ԱՄՆ-ի դիւանագիտական ջանքերը՝ ուղղուած Հայաստանի եւ Ատրպէյճանի միջեւ յարաբերութիւններու կարգաւորման, ճեպազրոյցի ժամանակ յայտնած է Պետական Քարտուղարութեան ներկայացուցիչ Մեթիու Միլլըր՝ պատասխանելով համապատասխան հարցումին:
«Ռուսաստանը որեւէ կերպ չի խանգարեր մեզի կարեւոր դիւանագիտական ջանքեր գործադրելու, որոնք, մեր կարծիքով, անհրաժեշտ են Հայաստանի եւ Ատրպէյճանի համար: Մենք պիտի շարունակենք զանոնք», աւելացուցած է դիւանագէտը:
Ինչ կը վերաբերի երկու պետութիւններու Արտաքին գործերու նախարարութիւններու ղեկավարներուն՝ աւելի վաղ յայտարարուած Ուաշինկթընի մէջ կայանալիք հանդիպման ժամկէտերուն, ապա, Միլլըրի խօսքով, երբ որոշուի բանակցութիւններուն օրը, անոր պիտի հետեւի պաշտօնական հաղորդագրութիւն:
