ԵՄ դիտորդական առաքելութիւնը Եղէգնաձորի մէջ նոր գրասենեակ բացաւ՝ տեղեկացնելով, որ իր մօտ 100 դիտորդները արդէն 1000-րդ պարեկութիւնը իրականացուցած են հայ-ատրպէյճանական սահմանին։
Ընդգծելով, որ այս տարածաշրջանը արժանի է տեւական խաղաղութեան եւ կայունութեան՝ առաքելութեան ղեկավար Մարքուս Ռիթըր յոյս յայտնեց, որ միասին պիտի կարենան նպաստել այդ նպատակի իրականացման։
«Կը կարծեմ՝ բոլորս համաձայն ենք, որ այս տարածաշրջանը արժանի է տեւական խաղաղութեան եւ կայունութեան ու յոյսով եմ, որ միասին պիտի կարենանք նպաստել այդ նպատակի իրականացման», նշեց Ռիթըր:
Եւրոմիութեան պատուիրակութեան ղեկավարը Հայաստանի մէջ՝ Վասիլիս Մարակոսը, Հարաւային Կովկասի մէջ կայուն խաղաղութեան հաստատումը Եւրոմիութեան հիմնական նպատակներէն մէկը համարեց:
