Վիճակագրական Կոմիտէն 2023թ. Յունուար-Յուլիս ամիսներու կտրուածքով ամփոփած է հիմնական ժողովրդագրական ցուցանիշներն ու ներկայացուցած է բնակչութեան բնական շարժի եւ ՍԷԿՏ համակարգով ստացուած սահմանային գրանցումներու վերաբերեալ նախնական տուեալները: Civic.am-ը Վիճակագրական Կոմիտի կայքէն տեղեկացաւ, որ 2023թ. Յունուար-Յուլիսին կենսունակութեան գործակիցը՝ ծնածներու եւ մահացածներու յարաբերակցութիւնը, կազմած է 141%, նախորդ տարուան նոյն ժամանակաշրջանին արձանագրուած 118.6 %-ի համեմատ:
Յունուար-Յուլիսին ծնած է 20.111 մարդ, մահացած՝ 14.265 մարդ։ Համեմատութեան համար նշենք, որ նախորդ տարի՝ 2022-ի նոյն ժամանակահատուածին ծնած է 19.492 մարդ, մահացած՝ 16.435 մարդ։ 2023թ. բացարձակ ցուցանիշի փոփոխութիւնը 2022-ին ծնածներու նկատմամբ կազմած է 103,2, մահացածներու նկատմամբ՝ 86,8 տոկոս։ Բնական յաւելաճը 2023-ի Յունուար-Յուլիսին կազմած է 58463 մարդ՝ 2022-ի նոյն ժամանակաշրջանի համեմատ՝ 1,9 անգամ։ Հաշուետու ժամանակաշրջանին արձանագրուած է ամուսնութեան 9.156, ամուսնալուծութեան՝ 2.590 դէպք։
2023թ. Յունուար-Յուլիսին ՀՀ մուտք գործած է 2.645.161, ելք կատարած է 2.606.902 մարդ։ Ըստ քաղաքացիութեան երկրի՝ ՀՀ մուտք գործած ամենամեծ թիւով քաղաքացիները ՀՀ քաղաքացիութիւն ունեցողներն են՝ 1.049.587 մարդ, ՀՀ քաղաքացիութիւն ունեցող 1.086.338 մարդ ալ ելք կատարած է Յունուար-Յուլիսին։ Հաշուետու ժամանակաշրջանին Ռուսիոյ քաղաքացիութիւն ունեցող 984.216 մարդ մուտք գործած է մեր երկիր, ելք կատարած է 939.820 մարդ, Վրաստանի քաղաքացիութիւն ունեցող 201.811 մարդ մուտք ունեցած է, ելք կատարած է 196.855-ը։ Ըստ թուաքանակի մեծութեան՝ յաջորդիւ Իրանի, այնուհետեւ ԱՄՆ քաղաքացիներն են, ապաեւ՝ Ուքրանիոյ, Հնդկաստանի, Ֆրանսայի, Գերմանիոյ, Պելառուսիոյ, Մոլտովայի, Չինաստանի քաղաքացիութիւն ունեցող քաղաքացիները։
