Ատրպէյճանի կողմէ մարտական յենակէտեր սնունդ մատակարարող երկու հայ զինուորներու առեւանգման փաստով Հայաստանը դիմած է Մարդու Իրաւունքներու Եւրոպական Դատարան` միջանկեալ միջոց կիրառելու պահանջով:
Այս մասին յայտնած է միջազգային իրաւական հարցերով ներկայացուցիչին գրասենեակը:
«Մարտական յենակէտեր սնունդ մատակարարող երկու հայ զինծառայողների առեւանգման փաստով Հայաստանը Մայիսի 28-ին դիմել է Մարդու Իրաւունքների Եւրոպական Դատարան` միջանկեալ միջոց կիրառելու պահանջով: Դատարանը սպասում է Ատրպէյճանի պատասխանին: Այս պահին հաստատուել է, որ տղաները գտնւում են Պաքւում եւ ակնկալւում է, որ յառաջիկայ օրերին պատասխան կը ստանանք», յայտնեցին գրասենեակէն:
Մայիս 26-ին Ատրպէյճանի զինուած ուժերը ներխուժած են ՀՀ ինքնիշխան տարածք եւ առեւանգած են երկու հայ զինուոր, որոնք սնունդ մատակարարած էին մարտական դիրքեր: Ատրպէյճանի մէջ առեւանգուած հայ զինուորներու նկատմամբ շինծու քրէական գործեր յարուցած են` զանոնք ներկայացնելով որպէս «սադրիչ»:
