ՀՀ Ազգային Ժողովի նախագահ Ալէն Սիմոնեանի գնահատմամբ` Լաչինի միջանցքին փակումը աւելի մեծ վնաս պատճառած է Ատրպէյճանին, քան Հայաստանին եւ Արցախին` քաղաքական առումով, Ատրպէյճանը քաղաքական առումով յայտնուած է փակուղիի մէջ: Սիմոնեանը նման դիրքորոշում յայտնեց «Արմենփրես»-ի հարցին ի պատասխան: Արդարադատութեան Միջազգային Դատարանի որոշման անդրադառնալով` ԱԺ նախագահը նշեց, որ Հայաստանը այս որոշումը առաւելագոյնը միջազգային բոլոր ատեաններուն մէջ պիտի օգտագործէ, պիտի ըլլան նաեւ այլ որոշումներ:
«Միջազգային առումով բաւականին մեծ յաջողութիւններ ենք գրանցում եւ շարունակելու ենք այդ ուղղութեամբ աշխատել: Իմ գնահատմամբ` Լաչինի միջանցքի փակումն աւելի մեծ վնաս պատճառեց Ատրպէյճանին, քան Հայաստանին եւ Արցախին` քաղաքական առումով: Այո՛, մենք տուժեցինք, այո՛, մենք ծանր ենք տանում, այո, մեր հայրենակիցները փակուած են, մենք խնդիրներ ունենք: Սակայն, իմ գնահատմամբ, քաղաքական առումով Ատրպէյճանը յայտնուել է փակուղու մէջ», ըսաւ Սիմոնեան` յաւելելով, որ սա պէտք է օգտագործուի: Անդրադառնալով հարցին, թէ Լաչինի միջանցքին ապաշրջափակումը` Լահէյի դատարանի որոշման կատարումը կրնա՞յ բանակցութիւններուն մէջ նախապայման ըլլալ` ԱԺ նախագահը ըսաւ, որ Հայաստանը չի բանակցիր Լաչինի միջանցքին վերաբերեալ, որովհետեւ Լաչինի միջանցքին վերաբերեալ կայ բանակցուած եւ ստորագրուած փաստաթուղթ` Նոյեմբեր 9-ի եռակողմ յայտարարութիւնը:
