Վարչապետ Նիկոլ Փաշինեան հեռախօսազրոյց ունեցած է ՄԱԿ-ի գլխաւոր քարտուղար Անթոնիօ Կութերեշի հետ:
Զրուցակիցները անդրադարձած են Ատրպէյճանի կողմէ Լաչինի միջանցքի ապօրինի շրջափակման հետեւանքով Լեռնային Ղարաբաղի մէջ ստեղծուած մարդասիրական ճգնաժամին եւ անոր յաղթահարման վերաբերող թեմաներուն:
Մասնաւորապէս, քննարկուած են Լեռնային Ղարաբաղ եւ Լաչինի միջանցք ՄԱԿ-ի փաստահաւաք առաքելութիւն ուղարկելուն առնչուող հարցեր:
Երկուստեք ընդգծուած է Լաչինի միջանցքը Ատրպէյճանի կողմէ ապաշրջափակելու անհրաժեշտութիւնն ու անոր անխափան գործունէութեան կարեւորութիւնը:
Պայմանաւորուածութիւն ձեռք բերուած է ՄԱԿ առաքելութիւն ուղարկելու հարցին շուրջ քննարկումները շարունակել: Անթոնիօ Կութերեշ նշած է, որ հարցը պիտի պահէ ուշադրութեան կեդրոնին:
Վարչապետը կարեւորած է նաեւ ՄԱԿ-ի Արդարադատութեան Միջազգային Դատարանին կողմէ Լաչինի միջանցքի ապաշրջափակման վերաբերեալ ժամանակաւոր միջոցներ կիրառելու մասին Հայաստանի պահանջը բաւարարելու որոշումը:
Զրուցակիցները միտքեր փոխանակած են Հայաստանի ու Ատրպէյճանի միջեւ յարաբերութիւններու կարգաւորման, ԼՂ ժողովուրդի իրաւունքներու պաշտպանութեան եւ անվտանգութեան վերաբերող հարցերու շուրջ:
