Հայաստանը հայ-թրքական ցամաքային սահմանով` Մարգարայի կամուրջով, մարդասիրական օգնութեան երկրորդ խմբաքանակը ուղարկած է Թուրքիա, Թուիթըրով գրած է Հայաստանի Արտաքին Գործերու Նախարարութեան խօսնակ Վահան Յունանեանը:
Անոր փոխանցմամբ, բեռնատարները ուշ երեկոյեան հատած են սահմանը:
Օգնութեան առաջին խմբաքանակը Հայաստանը Թուրքիա ուղարկեց Փետրուար 11-ին` կրկին ամենակարճ ճանապարհով` 1993-էն փակուած Մարգարայի կամուրջով:
Փետրուար 6-ին Թուրքիոյ աւերիչ երկրաշարժի զոհերուն թիւը անցած է 35 հազարը:
