Սուրիա գործուղուած Հայաստանի փրկարարական ջոկատը աւարտած է իր առաքելութիւնը եւ կը վերադառնայ հայրենիք: Այս մասին յայտնած է Հալէպի մէջ Հայաստանի Գլխաւոր հիւպատոսութիւնը:
«Հալէպ ժամանած փրկարարական խումբը աւարտելով իր առաքելութիւնը վերադարձաւ հայրենիք», ըսուած է հիւպատոսութեան Ֆէյսպուքի էջի հրապարակման մէջ:
Սուրիոյ մէջ տեղի ունեցած աղէտալի երկրաշարժէն յետոյ Հայաստանը 29 հոգիէ բաղկացած փրկարարական խումբ ուղարկած էր Սուրիա:
