Ֆրանսայի արտաքին գործերու նախարար Քաթրին Քոլոնան եւ Միացեալ Նահանգներու պետական քարտուղար Էնթընի Պլինքըն «անհրաժեշտ կը համարեն անյապաղ վերականգնել ազատ տեղաշարժը Լաչինի միջանցքով», որ արդէն շուրջ երկու ամիսէ արգելափակուած է Ատրպէյճանի կողմէ: Հայաստանի եւ Ատրպէյճանի միջեւ իրադրութեան ու հայ-ատրպէյճանական հակամարտութեան լուծման ուղղուած ջանքերու մասին Քոլոնան եւ Պլինքընը խօսած են հեռախօսազրոյցի ընթացքին:
«Լեռնային Ղարաբաղի շրջափակման հետեւանքով ի յայտ եկած լրջագոյն մարդասիրական հետեւանքները անընդունելի են, եւ Ֆրանսան ու Միացեալ Նահանգները վարչապետ Փաշինեանի ու նախագահ Ալիեւի հետ շփումներու միջոցով, կը համատեղեն ջանքերը` վերջ տալու այս իրադրութեան», կ’ըսուի Ֆրանսայի Արտաքին Գործերու Նախարարութեան տարածած հաղորդագրութեան մէջ: