Հայաստանի բարձր արհեստագիտութիւններու ոլորտին մէջ 60 տոկոսէն աւելի աճ արձանագրուած է: Այս մասին ըսաւ Ազգային Ժողովի փոխնախագահ Յակոբ Արշակեանը ԱԺ նիստին` «արդիւնաբերական քաղաքականութեան մասին» օրէնքին մէջ լրացում կատարելու մասին օրէնքի նախագիծի քննարկման ծիրին մէջ` անդրադառնալով պատգամաւորի հարցին:
«Այս տարի մենք արդիւնքներ ունենք արձանագրած, որոնք, կարելի է ասել` մրցանշային են: Հաշուարկի տարբեր մեթոդիկաներ կան: Դրանցից մէկով` մենք 60 տոկոսից աւելի աճ ունենք բարձր արհեստագիտութիւնների ոլորտում: Բարձր Արհեստագիտական Արդիւնաբերութեան Նախարարութեան ստեղծուելուց ի վեր` որոշ դէպքերում տասնեակ անգամներով, որոշ դէպքերում մի քանի անգամ աւելացուել են ֆինանսաւորման ուղղութիւնները` թէ՛ բարձր արհեստագիտութիւնների, թէ՛ ռազմաարդիւնաբերութեան ուղղութիւններով: Մասնաւորապէս, նոր տեսակի պաշտպանական համակարգեր են նախագծուել, որոնք արդէն իսկ մտել են արտադրութեան մէջ», ըսաւ Արշակեան:
Անոր խօսքով` տասնեակ հայկական ընկերութիւններ պետական պարգեւային ծրագիրներու շրջանակներուն մէջ ստացած են նորարարական պարգեւներ, որոնք կը բերեն միջազգային ֆոնտերու կողմէ ներդրումներու, որոնք իսկապէս պատկերը կը փոխեն հայաստանեան իրականութեան մէջ:
Արշակեան նաեւ յիշեցուց, որ կառավարութիւնը հանդէս եկած է գիտութեան ոլորտի ֆինանսաւորման կրկնապատկման նախաձեռնութեամբ, որ իր հերթին պէտք է բերէ նոր իմացական սեփականութիւններու գրանցման, որուն հիման վրայ Հայաստան պիտի հոսին նոր ներդրումներ:
