ՀՀ վարչապետ Նիկոլ Փաշինեան Ղազախստանի Ալմաթի քաղաքին մէջ մասնակցած է Եւրասիական Միջկառավարական Խորհուրդի նեղ կազմով նիստին:
Եւրասիական Տնտեսական Միութեան երկիրներու վարչապետները քննարկած են եւրասիական համարկման առնչուող արդիական շարք մը հարցեր: Մասնաւորապէս, անդրադարձ կատարուած է ԵԱՏՄ ներքին շուկայի գործունէութեան, արդիւնաբերական համագործակցութեան ֆինանսաւորման, գիւղատնտեսական արդիւնաբերական համալիրի զարգացման, ուժանիւթի ոլորտին մէջ համագործակցութեան:
Կարեւորուած է թուային օրակարգի իրականացումը, մասնաւորապէս` միութեան համարկման տեղեկատուական համակարգի կատարելագործումը:
Միջկառավարական Խորհուրդի ընդլայնուած կազմով նիստը տեղի պիտի ունենայ Փետրուար 3-ին:
Ռուսիան կողմ է Անդրկովկասի մէջ փոխադրութեան եւ տնտեսական կապերու ապաշրջափակման: Այս մասին ըսածէ Ռուսիոյ վարչապետ Միխայիլ Միշուսթինը` ՀՀ վարչապետ Նիկոլ Փաշինեանի հետ հանդիպման ընթացքին:
«Մենք աւանդաբար հանդէս կու գանք Անդրկովկասի մէջ տնտեսական եւ փոխադրութեան կապերու ապաշրջափակման օգտին, կը կարեւորենք Ռուսիոյ, Հայաստանի եւ Ատրպէյճանի ղեկավարներուն կողմէ ձեռք բերուած պայմանաւորուածութիւններու կատարման ապահովումը», ըսած է Ռուսիոյ վարչապետը:
Միշուսթինը նաեւ նշած է, որ նոր ճանապարհային ենթակառուցուածքային ուղիներու ստեղծումը կը համապատասխանէ տարածաշրջանի բոլոր պետութիւններու շահերուն:
Փաշինեանը Ռուսիոյ վարչապետ Միխայիլ Միշուսթինի հետ հանդիպման ընթացքին ուշադրութիւն հրաւիրած է Լաչինի միջանցքի խնդիրին վրայ` ընդգծելով, որ Լեռնային Ղարաբաղի մէջ մարդասիրական ճգնաժամ կը զարգանայ:
Փաշինեան նաեւ ընդգծած է, որ Ռուսիան անվտանգութեան ոլորտին մէջ Հայաստանի Հանրապետութեան համար առանցքային գործընկեր է:
