Միացեալ Նահանգները յառաջիկային պիտի շարունակէ աշխուժօրէն ներգրաւուած մնալ Հայաստանի եւ Ատրպէյճանի հետ յարաբերութիւններուն` այդ շարքին եւ ամենաբարձր մակարդակներով: Այս մասին լրագրողներու հետ ճեպազրոյցին ըսած է ԱՄՆ Պետական Քարտուղարութեան խօսնակ Նետ Փրայսը:
Ան յիշեցուցած է Նիւ Եորքի մէջ ԱՄՆ պետական քարտուղար Էնթընի Պլինքընի եռակողմ հանդիպումը Հայաստանի եւ Ատրպէյճանի արտաքին գործերու նախարարներուն հետ` ընդգծելով, որ սա վերջին ռազմական գործողութիւններէն յետոյ առաջին հայդիպումն էր նման ձեւաչափով, ինչպէս նաեւ պետական քարտուղարի վերջին հեռախօսազանգերը արտաքին գործերու նախարարներուն: Բացի անկէ, Փրայս նշած է, որ ԵԱՀԿ Մինսքի Խումբի ԱՄՆ համանախագահ, Կովկասեան բանակցութիւններու հարցերով աւագ խորհրդական Ֆիլիփ Ռիքըր ամէնօրեայ շփումներու մէջ է թէ՛ հայկական, թէ՛ ատրպէյճանական կողմին հետ:
«Ուստի, մենք պիտի շարունակենք այս հարցին մէջ ներգրաւուած մնալ: Չեմ կրնար խոստանալ յստակ արդիւնք, սակայն կրնամ խոստանալ, որ սա մեզի համար առաջնահերթութիւն պիտի մնայ», ըսած է ԱՄՆ Պետական Քարտուղարութեան խօսնակը:
